Visie & Waarde | NG Kerk Wilgespruit

Ons hart is gewortel in die stroom van Lewende Water.

Ter aansluiting by die visie is dit ons droom dat NG Wilgespruit as geestelike tuiste ‘n plek sal wees, waar:

God se Woord en sy Gees mense heelmaak en bekragtig.
mense, oud en jonk, saam kan groei en ons lewens in dankbaarheid kan toewy aan ons Koning, Jesus Christus.
ons dissipels vir die Here maak en die Here se lig kan wees in hierdie wêreld.
die soekende mens ‘n veilige heenkome vind.
ons mekaar en ons gemeenskap kan bedien met die Woord, liefde, deernis, barmhartigheid en die verdraagsaamheid van Jesus Christus.
ons ‘n bron van hoop vir ons kinders en ons gemeenskap kan wees.
almal tuis en welkom sal voel.

Ons wil as geestelike leiers …

diensbaar wees en bereidwillige hande en voete vir Hom wees.
saam luister na God se wil en saam die mantel opneem om sy wil in ons omgewing te openbaar.
deur ons voorbeeld lei.
in biddende afhanklikheid van Hom, rigtingbepalend, ligdraend en verdraagsaam wees ter wille van Hom.
leiding neem om ons grense te verskuif, om so ons “grondgebied” in die Here vir Hom te vergroot.

saam groei in geloof, nederigheid en diensbaarheid.
saam groei in ons betrokkenheid binne die gemeenskap.
saam ons gawes ontdek en toegerus word om al ons gawes en talente te gebruik.
saam nuut dink oor hoe om liggaam / bruid / huis van Jesus te wees.
die veilige hawe wees vir vandag se mense.
vir elke faset van ons lewens biddend afhanklik van God wees.
saam in ‘n lewende verhouding met God staan, mekaar se hande vat as dit swaar gaan, en saam ervaar dat Jesus Christus ons Kragbron is.
saam die Blye Boodskap uitleef en na buite uitdra.